Actualidade
Colexio
Noticias colexiais 2012
-
A Consellería do Mar e o Colexio Oficial de Biólogos de Galicia sumarán esforzos para avanzar na investigación da pesca, o marisqueo e a acuicultura. A conselleira do Mar, Rosa Quintana, e a decana do Colexio Oficial de Biólogos de Galicia, Mercedes Casal, asinaron esta mañá un protocolo de colaboración co obxectivo de avanzar na investigación da pesca, o marisqueo e a acuicultura de Galicia. Con esta sinatura establécense as liñas de colaboración en materia de asesoramento, docencia e investigación destas actividades. A través deste protocolo a Consellería do Mar e o Colexio Oficial de Biólogos colaborarán na realización de accións como proxectos de investigación, estudos, cursos, certames e congresos e na edición de publicacións sobre temas relacionados coa pesca, o marisqueo e a acuicultura de Galicia. Este protocolo ten unha vixencia dun ano, con posibilidade de prórroga. Esta colaboración pón de manifesto a aposta común da Consellería do Mar e o Colexio de Biólogos de impulsar o labor de investigación das actividades vinculadas ao mar para fomentar unha maior rendibilidade da pesca, o marisqueo e a acuicultura en Galicia.
[02/01/12]
Noticias colexiais 2011
- Proyecto Atlantic Bridges. O 21 de setembro enviouse escrito ao Director do Parque Nacional das Illas Atlánticas de Galicia en apoio ao desenvolvemento do proxecto “Programa de acercamiento de la comunidad científica investigadora internacional al PNM-TIAG”, promovido pola Universidade de Santiago e para presentar á convocatoria de axudas da Fundación Biodiversidad 2011.
[21/09/11]
- Borrador Plan Director Rede Natura 2000 de Galicia. O 29 de xullo presentáronse as consideracións do COBGA a este documento, solicitando a ampliación do prazo de participación pública e dispoñer da totalidade da información vectorial e alfanumérica presentada no documento de síntese. O 19 de outubro recibimos a resposta do Director Xeral de Conservación da Natureza, comunicándonos que "aínda poden remitir as aportacións ao Plan que consideren oportunas". Contestámoslle o 20 de outubro solicitando de novo a información aludida, citando a Lei 27/2006, de dereito de acceso á información en materia de medio ambiente.
- "Propuesta de Proyecto de Plan Hidrológico e Informe de Sostenibilidad Ambiental". O 13 de xuño de 2011 presentáronse as alegacións formuladas polo COBGA aos documentos do proceso de planificación hidrolóxica correspondente á parte española da Demarcación Hidrográfica do Miño-Sil (BOE nº 305, de 16/12/10).
[13/06/11]
[ver noticia].
- No BOE do 1 de xuño publícase a Lei 14/2011, de 1 de xuño, da Ciencia, a Tecnoloxía e a Innovación.
[03/06/11]
[ver noticia].
- O 11 de maio celebrouse na Facultade de Bioloxía da Universidade de Santiago unha xornada sobre «As actividades profesionais dos biólogos», coa participación de 41 estudantes.
[12/05/11]
[ver noticia].
- O 10 de maio celebrouse na Facultade de Ciencias da Universidade da Coruña unha xornada sobre «As actividades profesionais dos biólogos», á que asistiron 28 alumnos.
[11/05/11]
[ver noticia]
[ver referencias na prensa]
[ver foto].
- O 27 de abril celebrouse na Facultade de Bioloxía da Universidade de Vigo unha xornada sobre «As actividades profesionais dos biólogos». Expertos en diferentes áreas explicaron os seus respectivos campos de actividade profesional. A xornada contou coa participación de 80 alumnos.
[27/04/11]
[ver noticia].
- Xornada técnica sobre a proba pericial, celebrada en Santiago o 8 de abril. Contén relatorios e unha entrevista ao maxistrado Vázquez Taín.
[08/04/11]
[ver noticia].
- Primeira reunión da Comisión de Emprego e Formación, que supuxo unha toma de contacto dos seus compoñentes e onde se aportaron ideas para futuras actividades de formación e de fomento do emprego. Quedou constancia da gran aceptación da enquisa de necesidades de formación, tanto no relativo á oferta de docentes como aos cursos que se poden organizar. Aproveitamos a ocasión para agradecer aos colexiados, membros da Comisión, a súa asistencia á mesma e as súas aportacións.
[18/03/11]
- O mércores 2 de marzo, a decana, dous vogais da Xunta de Goberno e un membro da Comisión de Pesca do COBGA entrevistáronse coa conselleira do Mar, Rosa Quintana. Tratáronse diversos temas de interese para as dúas institucións como actividades de formación e difusión relacionadas coa profesión e co ámbito de xestión da consellería.
[04/03/11]
- O COBGA asistiu o 1 de marzo en Santiago á presentación, por parte da Unión Profesional de Galicia, da Guía de peritos xudiciais. A guía ofrece listados de peritos de diferentes profesións, recolle a regulación da actuación pericial, o Regulamento de asistencia xurídica gratuíta de Galicia, ademais do directorio das Administracións públicas e dos órganos xudiciais da comunidade. O Colexio aportou datos de biólogos, que confirmaron a súa disposición para intervir como peritos, e agardamos que no futuro se produzan novas incorporacións, posto que a guía actualizarase cada ano.
[04/03/11]
[ver noticia].
- Plan Hidrolóxico da Demarcación Hidrográfica de Galicia-Costa. O 18 de febreiro presentáronse no O. A. Augas de Galicia as alegacións do COBGA ao borrador do Plan, sometido a consulta pública no DOG nº 160, do 20/VIII/10.
[18/02/11]
[ver noticia].
Noticias colexiais 2010
- O 22 de outubro o COBGA participou na Xornada Técnica sobre Colexiación e Visados, que organizou a Unión Profesional de Galicia en Santiago. Por parte do Consello Xeral de Colexios de Biólogos participou Ignacio Apilánez, do Colexio Oficial de Biólogos do Principado de Asturias.
[08/11/10]
[ver noticia].
- Proyecto de Real Decreto para el desarrollo del Listado de Especies Silvestres en Régimen de Protección Especial y del Catálogo Español de Especies Amenazadas. O 13 de setembro enviáronse alegacións a este texto, ao Ministerio de Medio Ambiente e ao Consello Xeral de COBs, solicitando "conocer los criterios empleados para incluir cada una de las especies presentes en el anexo del proyecto, de manera que se permita una valoración objetiva y científica de la catalogación de los taxones propuesta" e "la incorporación de las especies consideradas en Peligro Crítico en los Libros Rojos de España como mínimo en la categoría Vulnerable del proyecto, o explicación motivada de la excepción a esta actuación en cada caso concreto".
[15/09/10]
- O Colexio Oficial de Biólogos de Galicia, convidado a participar nas Mesas Sectoriais e Territoriais relacionadas co Proceso de Participación Pública Activa da Directiva Marco da Auga, convocadas por Augas de Galicia, en xullo de 2010. Con este fin o COBGA designou unha representante experta. Por outro lado, outros colexiados tamén participan, pero en representación doutras entidades.
[19/07/10]
- Avance do Regulamento de acceso ao Título Profesional de Biólogo Investigador.
[14/06/10]
- Xornada Técnica da Unión Profesional de Galicia. "Colexios Profesionais: novos retos". Santiago de Compostela, 21 de maio de 2010. «A Colexiación: o caso do COBGA», Dra. Mª Mercedes Casal Jiménez, Decana do Colexio Oficial de Biólogos de Galicia.
[07/02/11]
Notas de prensa 2011
Notas de prensa 2010
Declaracións colexiais 2010
Memoria anual
Segundo o artigo 11 da Lei 25/2009, de 22 de decembro, Lei Ómnibus, as organizacións colexiais estarán suxeitas ao principio de transparencia na súa xestión. Con este fin, cada unha delas deberá elaborar unha Memoria anual, que deberá facerse pública a través da súa páxina web no primeiro semestre de cada ano.
Memoria anual 2010.
Bioloxía
2011
- Á nosa compañeira Catalina Fernández de Ana concedeulle o Ministerio de Medio Ambiente, y Medio Rural y Marino un dos Premios de Excelencia a la Innovación para Mujeres Rurales, polo seu proxecto Hifas da Terra. O obxecto destes premios é distinguir proxectos orixinais e innovadores, que apliquen modelos de negocio baseados na xestión sostible dos recursos rurais. Parabéns!
[08/08/11]
- Entrevista ao noso compañeiro Luís Saavedra sobre a aparición do tiburón solrayo na illa canaria do Hierro. (ver nova).
[20/07/11]
- Novos vídeos do noso compañeiro Luís Navarro. [18/02/11]
- A Confederación Hidrográfica do Miño-Sil publicou varios manuais e protocolos de xestión de ecositemas fluviais: protocolo de mostraxes, estudos de tipoloxías de río e metodoloxías de caudais ecolóxicos. Pódense descargar na web da Confederación. (ver nova).
[11/02/11]
2010
- A nosa compañeira Ana Mª Otero, do Departamento de Microbioloxía e Parasitoloxía da USC, recibe o Premio de Investigación 2010 da Real Academia Galega de Ciencias (RAGC), xunto co seu compañeiro Manuel Romero. O traballo científico galardoado co Premio de Investigación 2010 abre unha vía alternativa aos tratamentos con antibióticos e aos problemas que se derivan do seu uso na loita contra as bacterias que provocan infeccións nos seres humanos e tamén noutras especies animais. (ver nova).
[22/11/10]
- Conclusiones de las jornadas internacionales Investigación y gestión para la protección del suelo y restauración de los ecosistemas forestales quemados afectados por incendios forestales. FUEGORED 2010 (descargar pdf, esp/eng).
[20/10/10]
- O vídeo “La importancia de los lagartos en los ecosistemas insulares”, no que participa o noso compañeiro Luis Navarro, gañou o premio do público da prestixiosa revista The Scientist (nota de prensa).
[03/09/10]
- Presentouse o Anteproxecto da Lei da Ciencia, a Tecnoloxía e a Innovación (descargar pdf).
[08/06/10]
- Publicouse o novo Plan de Estudos de Graduado en Bioloxía da Universidade de Santiago de Compostela (BOE nº 56, de 5/03/10) (descargar pdf).
[08/06/10]
- Publicouse o novo Plan de Estudos de Graduado en Bioloxía da Universidade da Coruña (BOE nº 131, de 29/05/10) (descargar pdf).
[08/06/10]
- Campus Vida da Universidade de Santiago de Compostela.
[08/06/10]
- Proposta de Campus do Mar da Universidade de Vigo.
[08/06/10]
