QUE É O COLEXIO    

O Colexio Oficial de Biólogos (COB) é unha corporación de dereito público sen ánimo de lucro, creada pola lei 75/1980, de 26 de decembro (BOE do 10/1/1981). Os seus Estatutos definitivos aprobáronse no Real Decreto 693/1996, do 26 de abril (BOE do 23/5/1996). Os seus fins esenciais e fundamentais son:


> A ordenación, no ámbito da súa competencia,
do exercicio da profesión de Biólogo e a defensa
dos intereses profesionais dos colexiados


> A promoción, salvagarda e observancia dos
principios deontolóxicos e éticos da profesión.


> A promoción e fomento do progreso da Bioloxía,
do desenvolvemento científico e técnico
da profesión, da solidariedade profesional e do
servizo da profesión á sociedade.

> A colaboración cos poderes públicos na
consecución dos dereitos individuais e colectivos
recoñecidos pola Constitución.

Estructura
O COB está actualmente en fase de transformación e descentralización. Ata o momento está formado por Delegacións Administrativas (representadas por un Delegado), distribuídas ó longo do territorio español. Teñen atribucións outorgadas pola Xunta de Goberno, con sede central en Madrid. A nova estructura estará composta por Colexios Territoriais, que terán independencia administrativa e estarán unidos por un Consello Xeral.

O Colexio Oficial de Biólogos de Galicia abriu as súas portas no ano 1987. Na actualidade conta con máis de 1.400 colexiados. O número total de colexiados no Estado español achégase a 12.000.

O Colexio Oficial de Biólogos de Galicia é membro da Unión Profesional de Galicia, da Sociedad Española de Ciencias Forestales, da Asociación Española de Arboricultura e da Rede Galega de Bioinformática.